食物：$$$$
環境：$$$$
服務：$$$$
誰說吃三層架下午茶是女士專利?
我呢位大叔，都對
Afternoon
Tea充滿熱情，一有時間便會走訪不同酒店及高級餐廳，品嚐不同主題，不同款式的下午茶。
真心介紹下呢款，在香港罕見，而又是我特別喜歡的馬來西亞主題，正確點說應該是娘惹滋味。不諱言，我還是首次在香港食到。
呢個三層架既內容，多半是以娘惹菜色為主打，再加入少許中菜廳最受歡近的鮑魚撻，與及傳統
Afternoon
Tea必備的Scone。另外，每逢週末，都會有幾款娘惹的熱食。
廢話唔多講，睇睇各式的食物。由頂層開始，馬來西亞美食當然走唔甩金杯，外殼新鮮炸起，非常鬆脆，結合滿滿的蝦肉及沙葛等豐富內餡，清香怡人。中間的那件薄餅卷，材料除了沙葛，仲有上乘的海蛪蝦，自然與別不同。旁邊的糯米糕，混入了蝶豆花去上色，頂頭放些少咖央醬作點綴，咸中帶點點香甜。
鮑魚撻是中菜廳桃里的招牌菜之一，所以亦放了進去。鬆腍入味的鮑魚與鬆脆的撻皮，自當合拍，這都是五星級酒店必備的點心吧！
中間嗰層，就更加富馬拉/
娘惹風味。斑蘭戚風蛋糕明顯是用新鮮斑蘭葉做，看其色水已經知道，吃起來更加也不一樣。千層糕是椰汁及士多啤梨口味，好美。扁身的一款，是傳統的娘惹甜點紅龜粿，當地人喜事或白事都會吃的，當然若果係白事就會做成黑色，不過內餡都是綠豆蓉。外皮不黏牙，結合不太甜的綠豆餡料，不錯吃。最後是榴槤控不可錯過的榴槤煎糕，用上D24貨色，話之吃罷『呵氣如蘭』，也要品嚐。
底層三款美食，三文治是帶有娘惹風味的雞肉作餡料，鬆脆的糖環令我想起農曆新年，原味的英式鬆餅則屬正常發揮。
至於週末限定那幾件，咖喱角夠香夠惹味，但不會辣，餡料更換上矜貴的龍蝦肉，升價十倍。嫩滑之雞腿肉結合娘惹香料，無得彈。漢堡特別之處在於中間的魚肉，用上龍脷柳，以Otak
Otak做法製成，肯定合我心。
想飲伯爵茶定咖啡消滯，悉隨尊便。
其實，佢有唔少茶款選擇，包括各式中國茶，西茶及花茶等。如果可以有埋拉茶揀，就更徹合主題了。
下午茶有鮑魚酥咁浮誇，正呀😋😋
回覆刪除