Zero+ - 相逢恨晚

食物：$$$1/2
環境：$$$$
服務：$$$1/2 

大家或者知道我是屬『遊牧民族』，經常會拿著電腦到不同地方工作，包括Cafe。

近期發現了鴨脷洲一間叫Zero+的Cafe，有種相逢恨晚的感覺。

店子的生意有點飄忽，中午繁忙時間可以曾經獨自包場，又遇過幾乎爆滿的狀況，不過兩點打後，基本就沒太多客，可以打開電腦慢慢工作。

今時今日，香港的Cafe質素實在太參差，一碟飯/意粉加杯飲品，動輒兩百個大洋落樓，仲要難食，真係大癲。反之，呢度一碟嘢一杯啡，七、八十蚊有交易，實屬罕見。

來了數次，嚐過日式咖喱漢堡扒飯，賣相靚仔，明顯地花過心思。微甜而不辣的日式咖喱，下飯一流，漢堡扒亦唔怕死實實，雖不是頂級之作，都完全對得住個價錢。

當然試過我最喜歡的Carbonara，出品像有點太水，味道卻是可以，意粉質感我收貨，煙肉不要期待會是Guanciale，都係果句，當家陣深水埗求其一間 Cafe一碟淨卡邦尼意粉都要收百幾蚊之時，Zero+連咖啡一舊水有找，真係無咩可以投訴。

除非你是死硬派，必定要只有蛋汁不下忌廉，Guanciale是無可取締的話，那就另作別論。

最近愛上飲美式咖啡，畢竟年紀大了，不會再像年青時為了打卡，而點杯拉花奶啡。

隨心就好~

餐廳資料:
Zero+
鴨脷洲鴨脷洲橋道322號鴨脷洲邨利澤樓地下10號舖
90308129