食物：$$$$
環境：$$$$
服務：$$$$
要同屋企人飲茶既話，十次有八次都會揀酒店中菜廳，五星級嗰隻。
其餘兩次，大概是新同樂，是阿一鮑魚，或者阿翁之類。
偶爾都想轉一轉，會所當然也是不錯的選擇，歷史悠久既中國會，是我今次之目的地。
一向喜歡這類傳統的風格，好像回到以前最開心最無煩惱既日子，的確，我已經老了。
都是先來幾款點心，蜂巢芋角外層鬆脆，內餡軟滑夠香，唯就係唔夠熱，打了折扣。
香煎蔥油餅就熱呼呼，而且勁多蔥好香口，但又唔會太油，挽回了分數。
小籠包賣相有點平庸，但夾起總算唔會穿，又有湯汁，味道交到功課。
當然要叫幾味餸，香煎沙薑斑球做得出色，香口惹味，魚肉質感實在，配角的黑皮雞樅菌，令成件事更上層樓。
正正是吃蟹粉的時節，也來些蟹粉菜色吧！其一係化皮豬蟹粉窩巴，乳豬皮既香脆與窩巴的鬆脆互相輝映，一間夾著大堆蟹粉，無得輸。
只要蟹粉質素好，唔怕腥，蟹粉扒豆苗呢味餸，都幾穩陣。
來這裡，當然要食焗豬扒飯。鬆化豬扒，炒飯底，結合一絕既醬汁，食豬扒飯梗係要係呢類地方食喇~
香芒布甸作甜品，好像有點時光倒流的感覺，畢竟我真係好耐無食過了。
結尾贈送的小點，內附一張小字條，我果張話：Everybody
feels lucky for having you as a friend.
真的嗎?
Absolutely 💯
回覆刪除