食物：$$$$
環境：$$$$
服務：$$$$
轉眼間又是十一月中，大家今年嚐過多少餐大閘蟹呢?
筆者今年唔算食得多，太大路的就不在此介紹了，反而想講下在鄧記川菜既呢一餐大閘蟹宴，因為比較有特色。
不是首次到訪，餐廳環境就唔再多講，總之就是有維港美景相伴的好地方。
作為一家川菜館，即使是大閘蟹套餐，涼菜亦滲入四川原素，切條的墨魚爽甜，廚子還加入了洋蔥去豐富口感，伴以紅油，是醒胃可口的開始。蒜汁令秋葵的吸引力大升數倍。薄薄的牛脷入口軟滑，配上子薑，沾上汁醬，是三款之中我最欣賞的。
套餐自當不乏湯水，海椰皇燉玉竹老雞，功效我不多說，味道就是清甜到一個點。
千呼萬喚，主角的大閘蟹此時要出場。可選清蒸或者花椒煎焗，難得有人肯同我分甘同味，各來一款就好。
五両半的蟹公，蟹羔澎湃，不失白羔，大口吮下去，滿足度爆燈。花椒煎焗既做法，孤陋寡聞既我是首次見識，多一份麻香，但沒有奪香蟹羔的風采。
麻婆豆腐味型正宗，加入了和牛粒是為席上的牛魔王而設嗎?
只要胃口夠大，來一碗白飯來伴之，肯定錯不了。
蟹粉豆苗，一上桌就知足料，豆苗是細嫩沒渣，是好穩陣的蟹粉菜色。筆者沒有叫白飯去配和牛麻婆豆腐，皆因套餐是有跟花膠蟹粉拌麵。看似小小的一碗，但吃起來都好飽肚，既香而有花膠的煙韌口感，再配口濃郁之雞湯，精彩。
不難想像，大閘蟹套餐的甜點，會是薑茶湯丸，如果可以再辣一點就更好。
想試特色大閘蟹，呢度大概是不錯的選擇。
好少男士咁食得薑喎👍🏻👍🏻
回覆刪除Brilliantly presented! Your post is both insightful and thought-provoking. Appreciate you sharing your valuable perspective.
回覆刪除