Airside Cafe - 輕輕鬆鬆西日風

食物：$$$1/2
環境：$$$$
服務：$$$$ 

再次來到啟德新商場Airside，為的當然也是吃。

三樓的Airside Cafe，通透既環境令我一見愛上，尤其是晚人客不算太多，感覺更舒服。

有理無理先來杯嘢飲，酒精就不沾了，Mocktail則可以，呢杯靚靚既Unicorn，影相打卡真係無得輸。

頭盤的帶子，以刺身方式呈現，以香橙柚子醬及昆布油去漬過，味道帶點酸甜，幾清新醒胃。

另一款的牛肉他他，做得比較有口感，而且肉味濃郁，伴以點點的芒果醬及辛香的火箭菜，放在脆片之上吃，也不錯。

食意大利麵要有咬口，呢款手捲意麵就岩我心水，配上足料的蟹肉，再以少許的檸檬及烏魚子作點綴，層次豐富亦好吃。

三黃雞更加是全晚我最喜歡的菜色，外脆十分之香脆，肉質保持細嫩，驟眼看以為墊底的是意大利飯，細嚐之下原來是薏米，蠻有驚喜。

中意食香口嘢既我們，又點來份薯條，新鮮炸起熱呼呼，沾上沙律醬及飯素，吃不停口。

香蕉凍慕思的感覺有幾分像Semifreddo，乃我喜歡的質感，再混入點榛子及咖啡冰沙等作為點綴，花心思之作。

餐廳資料:
Airside Cafe
九龍城啟德協調道2號AIRSIDE 3樓L322-L323號舖
21171912