Relish Kitchen by ALOT - 放鬆一晚

食物：$$$1/2
環境：$$$$
服務：$$$$ 

真真正正在Airside兜了個圈 ，還是下不定主意吃那家餐廳，最終都是還原基本步，上網睇邊間較吸引。

這間Relish Kitchen by ALOT，在開飯網是排頭位，見門口沒有長長的人龍，就不作他選。

店員話坐吧枱或者搭枱都唔使等位，搭枱就免了，吧枱其實我倆都無所謂。

點左兩個Set，分別選了餐湯及沙律，沙律加入了藜麥，感覺更健康，而本身沙律菜沾上黑醋，亦醒胃可口。至於餐湯，係蘑菇湯，幾香的，兩粒脆麵包粒亦是加分位。

主菜都是些牙食，其中之一，係Burger。呢款芝士西班牙黑毛豬菠蘿漢堡，包身軟熟，主角的黑毛豬口感實在，卻不失肉汁，除左甜生菜及番茄，菠蘿亦帶出清新氣息，呢個組合係幾夾的。旁邊的薯條，用上甜薯，再配松露醬，更合口胃。

另一款的牛肝菌雞肉燒汁意大利飯，口感可以接受的，多一點米骨或者更岩我心。但整體味道可以，菌香突出，以Cafe水準而言，合格有餘。

不論Latte，抑或是Flat White，都無揸流灘。

嘢食份量好足，飽到上心口，最後只好打消吃甜品的念頭。

餐廳資料:
Relish Kitchen by ALOT
九龍城啟德協調道2號AIRSIDE 3樓L316號舖
25281908