食物：$$$1/2
環境：$$$1/2
服務：$$$1/2
打完波，同波友兩條友搵地方醫肚。
話晒當日都係追月夜，食中菜似乎比較岩數，忽然好想食片皮鴨，我知道要往那裡去了。
其實只係碰下運氣，不過Fashion
Walk成條都係食街，就算吃不成，也有大把後備選擇，我早已做好兩手準備。
結果還是好好彩可以入座。
冷盤波友在醉雞與肴肉之間掙扎，最後點指兵兵點中了前者。雞皮是爽，但肉唔得嫩，花雕酒香只停留在表面，或許吃肴肉會更好，不過這都是命運，哈哈哈~
再點了份類似孖寶，有每枱都必吃的香酥烤鴨，與及虎蝦。片皮鴨是半例的份量，兩條友夠食了。配上的，除了傳統的京蔥、青瓜和鴨醬外，還附上山楂條、砂糖，以及蒜茸。
先以麼麼皮包裹著連皮帶肉、跟青瓜京蔥及鴨醬的來一件，味道可以既，至少麼麼皮軟熟，鴨皮酥脆。之後，再來淨皮配砂糖那入口融化的吃法，同埋淨肉沾蒜茸的，做出多元口味。唯鴨肉有些太大件了，似斬多過片，一開二就差唔多。
虎蝦可以有不同做法，於我而言，尤其是吃滬式，乾燒是必然首選。虎蝦質素尚可，起碼爽口，甜甜辣辣的汁醬來得醒胃，我沒投訴。
小籠包之賣相未算靚仔，且看夾起來都沒有穿?
OK，四隻都無事。咬一口，是有湯汁的，但肉餡帶筋，我覺得可以做得更好的。
飽了，甜點也不用吃，反而想搵個地方飲杯咖啡。
明明你你唔食甜品，都唔知點解我睇到若有所失。
回覆刪除哈哈哈~
刪除