食物：$$$1/2
環境：$$$1/2
服務：$$$1/2
陽光明媚既日子，最好是去海灘曬下太陽游下水，兼且食好西。
走在黃金海岸，有想過惠顧酒店的食肆，但上網發現商場有家新開的日本餐廳，午市套餐第二位半價，即時改變主意。
於開飯網訂枱，轉頭收到店家的來電，說壽司Omakase已滿，問我們吃鐵板燒有沒問題。
商議過後，照殺！
前菜先以酸香的海葡萄和水雲來打開胃口，大熱天時吃這個是好的。
一開波就是帆立貝，師傅輕輕煎香面頭，中芯保持細嫩，加上精美既擺盤，似樣有啲料到。吃時搣些少紫蘇花來伴之，會更好。
接著來的是甘鲷立麟燒，這道菜式在莫生那邊吃過之後，就返唔到轉頭，即使之後在多處鐵板燒專門店吃到，也不是那回事。
這裡的，也做到魚皮脆卜卜，肉質嫩滑，但就唔夠立體，而且汁醬的調校是有所不及，但其實都唔差的，只是我不自覺地用了全城最出色的去作比較。
虎蝦或者鵝肝，二選一，各要一款些牙就好。虎蝦體型正常，肉質爽彈，可是蝦頭蝦殼唔夠脆口，是扣分位。
鵝肝除放在麵包之上，還伴上了一片漬紅酒蘋果，以中和其油膩感。味道是合格的，這個組合我也沒投訴，只是那塊鵝肝較為薄身。
主角始終是牛，加錢升級要了A5和牛，叮囑師傅可以弄得不要太熟。入口是鬆化的，但係沒有跟蒜片就是敗筆。唔知係咪想貫徹店名那博多的風格，師傅在菇內釀進了明太子，這倒是我喜歡的。
炒飯是香，可惜味道偏淡，令我未能完成。
師傅話甜品的焦糖多士係無限量供應，只要你食得落就可以。對於已十成飽的我倆，一塊兩份已足夠。只見師傅弄好了多士之後，走進了廚房好一陣子，回來時上碟，已有點硬，影響了口感。
呷一口咖啡，週末應該要輕鬆過~
我以為呢餐係喺福岡呀，直到睇到最後，見到屯門⋯⋯😂
回覆刪除哈哈哈~
刪除