Still - 玩Fusion

食物：$$$1/2
環境：$$$1/2
服務：$$$$ 

Happy Friday，收工同久未露面既朋友聚一聚。

自從有左屯馬線，大家出土瓜灣都方便好多，所以用餐地點也揀在該區的新地標 – 啟岸。

呢個場沒有Retail，全是食肆，選擇都幾多，最終我哋都係幫襯小店。

這間Still，標榜是西班牙與日式的Fusion，似乎蠻有趣。

夜晚都三十幾度，大汁疊細汁來到，有理無理先叫杯凍飲。我的選擇是熱情果蘋果特飲，大大啖吮幾口，暢快!

點好餐，店員送上Welcome Food，是吉列蠔，夠脆夠Juicy，免費的就不要太挑剔。

柯打了二人套餐，頭盤可選三款，招牌沙律是我們其中的選擇。個菜輕輕烤過，混埋牛油果及粟米等，食味不俗的。

另一款的生牛肉他他多士，竟然是用上勁厚身的麵包，上面鋪著的牛肉他他加埋了番茄乾，我覺得似食緊番茄包。

帶子刺身幾好，有夠鮮甜，周邊的西柚及漬蘿蔔，令成件事更複雜。

主菜要了店主推薦的西班牙海鮮飯，成品上桌我們是呆了一陣子，皆因與我們所認知的西班牙海鮮飯，大相徑庭。我明白餐廳是玩Fusion，但都唔建議咁樣，畢竟與客人期望會有很大落差，你就咁叫做海鮮飯或者更好。

坦白說，味道唔係差既，似食意大利飯，仲有三文魚籽豐富口感，各式海鮮亦俾得算慷慨。

是晚甜品叫做煙韌之選，其實即是鬼佬油炸鬼，同埋Mochi。

餐廳資料:
Still
土瓜灣馬頭圍道63號啟岸1樓06號舖
93135651