權八居酒屋 - 無敵靚景下的日餐夜

食物：$$$$
環境：$$$$
服務：$$$$ 

好朋友出左大大份花紅，說要請食飯，我梗係唔同佢客氣！

地點由我選擇，尖沙咀最方便大家，不如去北京道一號的權八? 大家都是『順德人』，沒有異議。

北一的餐廳，景觀完全無得輸，預先訂了枱，留個窗口位，是必須要做的事。

以牛油果卷打頭陣，健康又美味，多吃幾件都無問題。

在銅鑼灣的權八已嚐過其蟹餅，好中意，所以也叫來一份。香脆的外層，結合足料的蟹肉，熱辣辣好好食。

磯煮鮑魚，勝在沒有過韌，本身想來多隻鮑魚做天婦羅，可惜已售罄。

香港地好難先可以食到炭火既東西，趁呢度有，無可能走寶。免治雞肉質感實在，肉味濃香，比起我早前在某日本料理店嚐到的，優勝十倍。

串燒牛脷夠香，夠爽脆，沒有過韌，『安哥』一串。

也來份天婦羅，大家對食材沒有特別preference，那就來個什錦吧！鬆脆的外層，配合新鮮既食材，自然好吃，尤其喜歡吃蟹鉗。

好友原本想要清酒大蜆鍋，但又無貨，改吃帶韓式風味的泡菜豚肉鍋也好。薄薄的豚肉水準比預期更好，記緊要夾埋泡菜同吃，才夠滋味。

作為冷麵控，怎能不來一份冷蕎麥麵呢?! 是手打的，質感好細滑，大熱天時吃這個，正合時宜。

臨尾食番球雲尼拿雪糕，十分好食，非常圓滿！

餐廳資料:
權八居酒屋
尖沙咀北京道1號北京道一號28樓
27271957