念川居 - 嘆下點心

食物：$$$$
環境：$$$1/2
服務：$$$1/2 

是日要去帝京攞糭同埋蛋糕，之前找地方醫肚，索性就近近地係Moko的念川居搞掂!

不要看見川字，就以為這裡只有辣嘢食，其實呢度除左川菜，仍有粵菜以及點心供應。

中午到來，叫些點心就好。

每當見到有芋角在餐牌出現，必定會柯打一份，只是家陣有這款點心的地方買少見少。呢度不單止有，而且做得很出色，外層夠晒鬆脆，芋蓉軟滑可口，混入埋海鮮粒粒，口感層次更加豐富。

雪山叉燒包也好，包身沒有死硬，叉燒餡料味道好，我覺得這點心是叉燒餐包的進階版，起碼我更喜歡吃。

企身飽滿的燒賣，輕易贏取我歡心，一口氣吔左兩粒。

櫻花蝦日本帶子腸粉，用料是靚，可惜腸粉未夠薄滑，可以做得更好。

單吃點心未必夠飽，來個炒粉麵飯穩陣啲。與其經常都是炒牛河，不如試試蠔仔肉碎泡脆米飯?

將脆米自行倒入泡飯內，無疑是自癒的。

湯頭唔錯，脆米跟白米飯的雙重口感我最中意，加埋肉碎及勁豐富的蠔仔肉，大大兜的泡飯也被我們輕而易舉地幹掉。

食飽飽，取蛋糕去~

餐廳資料:
念川居
旺角太子道西193號MOKO新世紀廣場5樓501號舖
23391900