食物：$$$$
環境：$$$$
服務：$$$$
在港云云的日本料理之中，個人比較少吃天婦羅，或許是供應太少，而且我喜歡的天海亦已結業...
然而，試了剛開業的過江猛龍Tempura Nagaoka，我相信很快便會回頭，因為不論餐廳的環境氣氛，以及食物，都深得我心。
Lemon Sour是這品牌的名物，但聽到店員介紹有另一款飲品更吸引到我，就是自家製的辣可樂。可樂結合唔同既香料，以及檸檬，味道有點似曾相識，卻又說不出來，反正我就是喜歡。
懶得諗，乾脆要Omakase Set便是。事不宜遲，第一道的海膽蟹肉三文魚子布甸送上。呢個組合，只要用料新鮮，好難會唔失手的。是夜的三款極上刺身，分別為鯛魚、吞拿魚及牡丹蝦。鲷魚爽身，吞拿魚以赤身及中拖呈現，鮮甜的牡丹蝦，當然也是高質。炸柿子奶油多士是一味非常有趣的小食，牛油多士結合白朱古力與及柿乾，咸咸甜甜的味道好特別，層次都豐富。要入正題了，各式天婦羅陸續登場。由小柱貝雜錦天婦羅開始，餡料披上薄脆的黃金外衣，自行以香脆的紫菜包裹著來享用，輕易取得我既歡心。第二款天婦羅是露筍，清甜無渣，再附以香脆的口感，簡單美味。自家製胡麻豆腐，質感有點QQ的，似在吃年糕既感覺，配上極濃郁的胡麻醬，跟坊間的出品完全不一樣。日本番薯天婦羅，唔使問都知香甜，特別欣賞其口感。花虎蝦也是天婦羅的常客，鮮甜又彈牙，預期中的美妙。
重點之一，當然是A4日本和牛天婦羅，看色水已說明一切，用料靚，火侯控制拿捏得宜，好難會唔好食既。
最後就是海膽，將鮮味爆燈的海膽放在炸紫菜之上，雙重口感，邊有得輸?天婦羅之後，輪到釜飯上場。四個人，可以試勻黑毛和牛月見釜飯，以及松葉蟹三文魚籽釜飯。個人始終鍾情於和牛，油份多一點，就更香一點，再飽也要努力將之清掉。喝杯小小的味噌湯之後，進入甜品環節。蜜柑紅豆蓉天婦羅配麻糬，呢個組合我真係完全沒想像過，層次十分之豐富，好有記憶點。
呢度，我當然會回頭。甚至心思思想去福岡的總店見識下。
沒有留言:
張貼留言