2023年5月11日 星期四

陸羽茶室 - 外國朋友指定



食物:$$$$
環境:$$$$
服務:$$$$
 

朋友從英國回港渡假,自當要相約一聚,禮貌地問佢想食咩,得到既回覆係:

『想食蝦多士,不如去陸羽丫!』

大大話話超過十年沒到訪過,正好俾機會我去回味下呢間老店,到底現時的水準會是怎麼樣呢!?

朋友移居英國前,係陸羽既常客,除左蝦多士,仲有乜嘢名物想食,佢一清二楚,唔需要我煩惱。

蝦多士先到,金黃色澤,熱騰騰的奉來,未食都知道係好嘢。多士咬落鬆脆,毫不油膩,蝦肉彈牙,兩者緊貼,調味剛好,的確係城中數一數二的出品,沾些酸甜的汁醬,又係另一番滋味。一客八件,但如此高質,兩條友其實都唔難清碟。

下一道菜雲腿鴿片,同樣是陸羽的名物。鴿片肉質嫩滑且入味,磨菇的清新正好作個平衡,連埋咸香的金華火腿片同吃,實在是無可挑剔的美饌。

最後是很家常的涼瓜炒牛肉,看上去是與鴿片有幾分似,但就是截然不同的味道。嫩滑既牛肉,與甘味的涼瓜,是最佳拍檔。吃這味家常嘢,一碗白飯是少不了的。

有諗過叫糖水,或者另覓地方吃甜品,可是真的吃不下了,朋友轉移目標,叫一隻燒乳鴿打包回家當宵夜,認真識嘆!

下次再見,會是何時? 何地?


餐廳資料:
陸羽茶室
中環士丹利街24號地下至3樓
25235464

2 則留言: