食物：$$$$
環境：$$$$
服務：$$$$
近排算是幾有食神，嚐過幾間的Fine
Dining 餐廳，均十分滿意，包括是夜到訪的這家Octavium。
呢間米芝蓮兩星店，早已在筆者的Wish
List之中。總廚Bjoern
之風格，由佢數年前執掌Petrus既時候已見識過，亦十分喜歡，且看今次佢會否帶來更大的驚喜給我們。
嚐了幾款精緻的Amuse
Bouche後，是晚的美食之旅要正式開始。
一開始就是高貴而不俗氣的配搭。吞拿魚他他之上鋪上薄片的白蘆筍，再以魚子醬等作點綴。賣相簡約好看，各式本可獨當一面的食物組合在一起，全沒違和感，是清爽怡人的好開始。
被大大塊脆片遮蔽著東西，乃是超級粗壯的帝王蟹蟹腳。如斯粗壯強橫的蟹腳，肉質卻是非常嫩滑與鮮甜，沾上濃郁之汁醬，連埋塊脆片一同放入口，精彩絕倫。
店員奉來的澳洲鮑魚，切成薄片，入口同樣嫩滑。起初還以為是慢煮出來的效果，後來問及總廚，原來剛相反，是以大火去烹煮，令其鮮味也一併迫出來。嫩口的魷魚，配合香氣撲鼻，濃而不膩，以芝士為主導的醬汁，不錯吃。
紅蝦意大利雲吞，是這兒的招牌菜色之一。外皮做得很好，微微煙韌好岩我心水，裡頭的餡料
鮮味十足。底下的汁醬也是以紅蝦頭的羔打造而成，自當濃郁可口。能成為星店的招牌美食，定有其過人之處。接著來都是紅蝦，不過就來得簡單直接。呢間珍寶Size既紅蝦，真係巨到一個點，大家比對下旁邊的刀叉，大概可以想像是怎樣的份量。咁鬼巨型的紅蝦，火候控制恰到好處，剛剛熟，肉嫩而爽身，蝦頭既羔自然不可少覷，以麵包來沾埋蝦羔來吃，愈邪惡愈快樂！
Pasta的賣相看似溫柔，但人不可以貌相，意粉亦絕不可以，因為這是一道辣既意粉。這類級數餐廳既意粉口感不用懷疑，魷魚亦唔會韌，夾埋香口既蒜片吃，香辣惹味。
白鴿是Fine
Dining餐廳經常出現之食材，嫩口既鴿肉必定要配合濃郁既汁醬，才達到應有既效果。近年即使高級西餐也愈來愈流利連腳也奉上，而這隻鴿腿，好食到無倫，直頭搶去了主角既風頭。
廿幾三十度既天氣，以清爽的甜品作結是最合適不過。
呷一口咖啡，食埋貝殼蛋糕、朱古力等既petit
fours，不經不覺原來已吃了四個多小時了。
很精彩的一個晚上！
沒有留言:
張貼留言