亝瘋 - 癲得有道理

食物：$$$$
環境：$$$1/2
服務：$$$1/2 

近來都好少周圍浦Cafe，並不是不愛喝咖啡，只係唔會身先士卒去當白老鼠，畢竟家陣啲Cafe既質素實在太過參差。

鴨脷洲有間Cafe亝瘋，我唔知佢係咪一日癲三次，每次八粒鐘，不過就被佢個名吸引左入去，試下佢有幾癲。

幾岩我心水的。結果，試完一遍，我好快又去了第二次，相信沒多久就會瘋埋第三次...

是間沒什麼裝修的Cafe，全場最吸睛，係掛在牆上那件『我真係好撚鍾意鴨脷洲』既黑Tee，好想買件返屋企。

嘢食方面，先講首次到訪時嚐的Carbonara。姑勿講佢是否正宗，但將蛋汁撈意粉，加埋忌廉既香滑，我是滿意的。再者，店方既用上Guanciale，亦加入了香脆之風乾火腿，在口感上的確是多一份層次。

也試過這兒的酸種包，喜歡佢唔會死硬，面頭既炒蛋嫩滑，結合三文魚，不錯吃。旁邊還有些清甜多汁的車厘茄，與及羽衣甘藍等作沙律菜，屬健康美味之選。

Flat White入口細滑，帶Nutty的風味，岩我口味。

茶飲既款式反而唔多，連很常見的伯爵茶也沒有，要左杯洋甘菊，現成茶包就不再多說。

到我去癲第三次既時候，再同大家報告~

餐廳資料:
亝瘋
鴨脷洲鴨脷洲大街132號合時大樓地下F號舖
65102615