食物：$$$
環境：$$$1/2
服務：$$$$
聽過竹青亭呢個名字很久，但一直未有機會品嚐，難得朋友相約，就定個日子去會下佢。
今次好我乖，準時到埗，七點半可以開餐。
坐定定，叫杯嘢飲先。中午已喝了咖啡，倒不如來杯爆菊花青檸茶來下一下火，都好多菊花下喎！
周打忌廉湯濃郁也足料，好喝的。
頭盤的鵝肝凍糕做得細滑，炎炎天氣嚐此品，合適不過。
不過，我更愛的是黑松露蟹籽手打墨魚滑炸雲吞，咬落香脆，唔會硬轟轟，裡頭是滿滿的墨魚滑。沾些松露蛋黃醬，有幾分像在吃沙律明蝦角的影子。
烤法國豬腩肉係店家的招牌菜，甘香鬆化的豬腩肉，絕對係食肉獸既心水，以蜜糖去烤製，亦令腩肉的吸引力倍升。
甜品名字好有玩味，黑芝麻嘩食豆腐嘩！賣相頗別緻的，豆腐與醇香的抹茶醬，自當合拍，旁邊又有些芝麻卷，與及芝麻脆脆等，有趣。
無諗過鵝肝凍糕同炸雲吞可以同枱出現，但又確係兩款都吸引喎！
回覆刪除豬腩肉好味。
回覆刪除