Tommy Yummy - 778第一回

食物：$$1/2
環境：$$$1/2
服務：$$$1/2 

778既第一回，大家揀左中環既打卡熱店，Tommy Yummy。

對呢間店毫無認識，但身邊不止一班朋友話想來試，真心好奇佢有咩咁大的號召力?

先來的金柚海蝦沙律，賣相係幾靚既，蝦是爽口，金柚唔怕澀，伴以醒胃既汁醬，係個好開始。

來食泰國嘢，點都要整番幾串串燒吧！雞肉、豬肉、牛肉、雞燒、牛丸和豬肉丸，每樣一串，咁樣分吃最好。可是，水準卻遜於預期。睇竹籤都見到沒有被烤過的蹤影，因為各款食物全無香氣，絕對是吃串燒的大忌。

斑蘭香茅燒雞亦唔好得去邊，其重重的雪味，以及肉質，令大家投晒降。

咖喱也是吃泰菜的必點項目，就試下軟殼蟹。當吃罷頭幾味，都已經將期望大幅降低。呢隻軟殼蟹，無羔唔緊要，至少也脆口，沾些咖喱汁吃，也是可以入口的。呢份咖喱是會跟上迷你雪糕筒，幾特別。

雞肉乾炒寬河粉有頗多的雞肉及菜蔬，幾足料，味道也屬正常發揮，沒有太多投訴。

最後的甜品，係店家的招牌名物芒果乳酪疊疊冰。將芒果肉乳酪造成粒粒冰圍邊，配枝芒果味雪氣，中芯是糯米飯，自行淋上椰汁，便可以起動。呢個變奏版的芒果糯米飯，打卡是一流，味道都是收貨有餘的，無負招牌菜之名。

飲品都有唔少選擇，但朋友的泰式奶茶強差人意，還幸我杯芒果熱情果手標茶梳打正正常常。

執筆之時，已經再吃了778的第二回，感覺要好得多。稍後再同大家介紹！

餐廳資料:
Tommy Yummy
中環威靈頓街98號翡翠中心1樓
23231778