Cafe Roma - 芝士火鍋新玩意

食物：$$$1/2
環境：$$$$
服務：$$$$

馬灣實在是個好Chill既地方，尤其是海灘一帶，即使你唔識游水，單是在附近的餐廳找個靠窗位置，與朋友一齊嘆個午餐/下午茶，已是賞心樂事。

家住近荃灣西既我，有時沒事忙的話，就會跳上船，十分鐘便來到這世外桃園。

海灘一帶既餐廳，首推Cafe Roma，這天又同好友來享受悠閒時光。

最近餐廳做緊個焦糖芝士火鍋，採用了娜威百年老品牌Brunost的焦糖芝士去做個鍋底，味帶點奶香，同埋焦糖的甜，是蠻有新意的做法，與傳統的芝士火鍋味道稍有不同，更貼近港人口味。係呢個涼涼地既天氣食，岩晒！

基本配搭有海蝦、Coppa Ham、雞胸肉、西蘭花、車厘茄、西芹、紅蘿蔔、薯仔及意大利香草包，唔夠喉既話，可以加錢自由配搭其他食材。先講番基本既內容，麵包與芝士火鍋當然是最經典的組合，海蝦亦試過，蔬菜類我都見過，只是估唔到車厘茄會咁夾。仲有仲有，原來火腿唔一定就咁食，伴芝士火鍋都別有一番滋味。

都配左些其他的食材，加左帶子、三文魚、巴馬火腿和莎樂美腸等，由於海蝦與芝士火鍋夾得幾好，所以好想試試別的海鮮是否成事，帶子及三文魚是經輕煎過，再放入帶甜的芝士汁醬內，效果都幾特別，可以一試，當然就未及海蝦般的合拍。

加左巴馬火腿和莎樂美腸，本身我係諗住就咁食，但當試過Coppa Ham配芝士鍋後，又想將呢兩款加進鍋內，咸咸甜甜的味道，結合火腿既柔軟，都吃得過。個人認為巴馬火腿會比莎樂美更適合做芝士火鍋。

熱朱古力配芝士火鍋好正路，不過見佢餐牌有兩款暖身飲品都幾吸引，畢竟我對洛神花這東西存在好感，所以也試了這款洛神花檸檬茶。

同朋友風花雪月，三小時悄悄地就流走了...

餐廳資料:
Cafe Roma
馬灣珀麗灣臨海廣場1樓7-8號舖
34461226