天氣涼涼地，正是打邊爐的好日子，最近開始收到唔少朋友仔問有什麼台式火鍋店推介，筆者就精選了幾家，同大家分享下。
1. 肉多多火鍋
如果去過台灣既朋友，相信對呢個火鍋連鎖品牌都不會陌生，最近佢進駐香港，落戶銅鑼灣。
湯底：台式火鍋當然少不了麻辣湯底，這裡亦有數款選擇，然而是次我就揀了招牌爆炒海味石頭湯。店員會在你跟前將蝦毛仔及洋蔥等炒香，再加入番茄，及鋪上豬肉片，加湯。爆炒時那股香氣實在誘人，是筆者在本地火鍋店未曾一見，至於湯頭是醇香帶甜，蠻特別的。肉類：店名叫肉多多，不難想像其肉類既份量會是很驚人，如這次我們柯打的肉瀑布，食肉獸見到肯定口水流。揀選既係日本豚肉與澳洲牛肉雙拼，店員端上桌時，會再在乾冰上注入水，做出更具瀑布特色的效果。兩款肉都好大片，唔係太厚身，輕輕淥幾下即可，吃起來嫩滑，而作為典型的食肉獸香港人，始終對牛肉更有好感。其他配料：也點了海鮮類與及丸餃類，個人尤其喜歡前者，鯛魚十分鮮甜，墨魚仔都係爽脆不韌，鮮味十足。甜品：在外邊任拎，是台式的古早味冬瓜、仙草、芋圓和愛玉等，仲有雪糕，吃完火鍋後來點甜，很圓滿。環境及服務：裝潢不走奢華路線，但全店都是卡座，幾舒適，且有開揚景觀望維園。服務員似乎都是台灣人，有禮貌又主動。
2. 無老鍋
又是台灣暮名火鍋店，銅鑼灣店人氣都好旺盛。湯底：只得三款，在座的有一半都不是辣友，就要個白湯鍋好了。有鴨血有豆腐在內，呷啖湯，還帶出微微的藥材蹤跡，都幾好。肉類：豬肩肉唔會好嚡口，幾爽，帶點肉香，還好。梅花豬肉相對軟腍，個人會比較欣賞肩肉多一些。其他配料：必吃的數到冰淇淋豆腐，放入湯內浸十來分鐘，唔好郁佢，少許像魚腐的口感的確合心。甜品：火鍋後會送上水蜜桃沙冰，清甜可口。環境及服務：古典裝潢，舒服既。不過九十分鐘用餐時間，以打邊邊來計確是有點趕。
3. 好呷台灣火鍋
是任食火鍋，價錢及食物分級數，要吃就吃最好了吧！湯底：要左鴛鴦湯底，黑色的代表是養生黑蒜雞湯鍋，而白色的就是胡椒杏汁豬肚湯。湯底好足料，直頭可以當湯飲，而且加湯亦不是加水，沒有稀色了味道，想不到任吃也有如此水準。肉類：牛肉有水準，特別欣賞下肩胛翼板，完全唔係坊間任食嗰啲質素。其他配料：海鮮類亦交到功課，大蝦爽口，鮑魚唔會韌得像擦字膠，還有帶子，以及沙鎚魚等。由於任食，外面還有大量的菜蔬同埋丸類等選擇，食到咁上下，我的習慣是淥個王子麵，會滿足好多。甜品：芋圓及黑糖珍珠豆花都好有驚喜。
環境及服務：環境企理，或者我哋唔好彩，旁邊都是高談濶論的客人，比較嘈雜。始終任食地方都比較忙，服務算是可以，有機械人幫手上菜。
4. 別忘了
另一間任食火鍋店。湯底：四個人，開兩個鍋吧！台式麻辣拼椰子雞，另一則是番茄湯拼台式藥膳當歸。有鴨血在內，比起荃灣大部份的任食火鍋，多一份吸引力。
肉類：不論是肉味較重的美國封門柳、安格斯牛小排和牛肩胛，抑或係軟滑的A5宮崎牛，以任食來講，水準真的很讚。唔食牛既朋友也不愁沒有選擇，肥瘦均稱的鹿兒島美豚梅肉，以及個性剛烈的羊肉卷，都可以滿足到你。其他配料：花雕嫩雞夠嫩滑，放藥膳湯底那邊最合拍。另外還有些台式小吃，都幾地道。甜品：綿滑得似韓國雪花冰的飄雪世界，同埋迷你窩夫同樣有質素，令人吃完一口再一口。每人仲有一盒Movenpick雪糕送。
環境：粉紅色為主題，少女們應該好喜歡。
餐廳資料：
肉多多火鍋
銅鑼灣糖街25-31號Sugar+ 3樓
無老鍋
銅鑼灣登龍街18號V Point 5樓
好呷台灣火鍋
銅鑼灣羅素街8號銅鑼灣英皇鐘錶珠寶中心3樓
別忘了
荃灣眾安街68號荃灣千色匯I 2樓2032號舖
沒有留言:
張貼留言