十大碗麵家 - 落戶元朗

食物：$$$1/2
環境：$$$1/2
服務：$$$$

日前無聊扭開Youtube，見到Ricky San評測香港幾間頂級的雲舌麵專門店，搞到我麵癮起，好想整番碗。

其中一間係十大碗，在元朗有分店，既然幾日後要去元朗睇Show，那就決定早少少先去食碗麵。

來這些麵店，很多時候枱頭的漬蘿蔔才是主角，酸酸甜甜，爽爽脆脆，夠晒醒胃，吃幾碟走唔甩。

雲吞麵是雲吞墊底，金絲麵在上面的傳統做法，某程度上已反映出師傅有一定功力。

依慣性先喝口湯，有大地魚既氣息，以及韭黃的清香。麵條口感爽脆，沒惱人之鹼水味，走鹼做得好。雲吞反而偏大粒，蝦肉豬肉比例九一，多點豬肉我會更喜歡。

老豆例牌食豬手河，豬手夠腍，骨膠原豐富，夠味又沒有死咸，不過佢老人家還是較愛新大光燈的豬手。

在這類地方飲奶茶，有少少搵自己笨既感覺，下次都係飲可樂好啲。

元朗店沒有供應炸両，否則我會來一碟。

餐廳資料:
十大碗麵家
元朗教育路2-6號捷榮樓地舖
23661977