WHISK - 週日輕鬆過

食物：$$$1/2
環境：$$$$
服務：$$$$ 

轉眼間又一星期，梗係要去哋個Sunday Brunch，大嘆生蠔大飲香檳。

六道菜的早午餐，取價$568，頗克制。不過我在龍蝦之上加一撮海膽，主菜又加錢要左和牛，又要埋生蠔香檳任砌，實質價錢都成個Double。

似曾相識的麵包，原來總廚曾在Arbor工作過，難怪。若不是要留肚，面對呢個超吸引既麵包，與及烏魚子牛油，真係可以獨吞成個。

喜歡吃生蠔既朋友，加$168任食絕對吃得過，食兩轉都回本喇。

飲啖香檳，吃幾隻生蠔，放假就應該係咁既。

第一道菜以鰻魚做主角，兩片香甜的鰻魚放在小小的薄餅之上，爽口的窩筍絲及昆布小粒子，在口感上作出了貢獻。若然你個口好似阮兆祥咁大既話，可以試下一啖吞下去。

之後是帶子的菜式，軟滑的帶子底下，係牛油果茸，兩者擦出了火花。旁邊的小花朵，原來係以醃蘿蔔打造而成，令整道菜式變得更清新。

跟住龍蝦要出場了。波士頓龍蝦肉質結實，配溫泉蛋就合適不過，墊底原來仲有些少米型意粉，層次就更加豐富。可加價整撮海膽係面，我當然卻之不恭，鮮上加鮮，呢啲錢真係唔慳得的。

主菜幾歹都要和牛喇！A4的佐賀和牛，火侯控制得尚佳，入口軟腍，肉味比想像中濃郁，淋些微微帶甜的汁漿，很讚~

朋友既魚以立麟燒做法，試了一小件，無疑是皮脆肉嫩，味道則相對清淡。

甜品時間。看餐牌寫著是MoMo，完全猜不到會是什麼東西，原來係以白桃打造而成的甜品。白桃肉，桃香啫喱，以桃製成的雪片，以及香桃雪葩，一款食物帶出多重的味道與層次，仲要好好食，三兩下手勢便可清碟。

另一款Miso的甜點，好有聖誕Feel。鬆脆的外層，結合日本味噌的甜點，有驚喜。

結尾的伯爵茶，都是我喜歡的TeaWG既茶包。

唔經唔覺，悠悠然咁就嘆個三個鐘...

餐廳資料:
WHISK
尖沙咀彌敦道118-130號美麗華廣場The Mira Hong Kong 5樓
23155999