SAVVY - 虹吸壺冬蔭公

食物：$$$1/2
環境：$$$$
服務：$$$$ 

對上一次嚟呢個咁型格既地方，已經係半年前，當時仲係試業階段，我已經好中意佢咁Chill既環境，同埋有多國既食物選擇。

今次都係叫左幾個唔同國家既嘢食，必試既當然係冬蔭公。濃郁的冬蔭放入虹吸壺內，頂層擺入香茅、南薑、檸檬葉、乾蔥頭等香料。

泰藉師傅再以火槍加熱湯頭，等啲湯跑上去吸收香料既精華，既有玩味，亦有實際。酸辣俱備，味型正宗既冬蔭公，仲有肉爽既頭蝦，愈食愈開胃，果然係招牌菜色。

接著是泰菜既另一代表Phad Thai，微微既辣，帶點酸，一向岩我口胃，面頭幾隻蝦都爽彈好吃。

星馬佳麗就係Otak Otak，香料味唔算好重，但仍有蕉葉既香氣，口感似魚餅，同我在馬拉食到既稍有不同。

印度美食以一個月半彎既器皿盛著，我幾中意。最愛咖喱蝦，甜甜地唔太辣，Tandoori Chicken都香口而唔太乾，咖喱角飽滿，唔會搞到似飛標咁核突，Naan Bread帶點煙韌，也不錯。

牛筋條都係招牌，口感爽彈，喜歡佢既BBQ sauce，微微帶甜，有水準！

之後店員好詳細咁向我哋介紹各式蛋糕，揀左兩款，另外留左個芒果糯米飯。檸檬造型既蛋糕，除左檸檬之外，仲有熱情果同埋柚子，層次更豐富，更醒胃。

伯爵茶黑加侖子蛋糕，黑加侖子中和左佛手甘既味道，係細心既構思。

餐廳資料:
SAVVY
尖沙咀廣東道3-27號海港城港威商場3樓3209A號舖
21136188