拉麵凪 - 一個人的拉麵時光

食物：$$$1/2
環境：$$$1/2
服務：$$$$ 

辦完事，一個人找地方醫肚。

忽然發覺好耐無食過日式拉麵，即刻上網睇睇附近有冇咩好選擇，結果找來呢間我連佢名字都唔識讀的拉麵店。

時間尚早，未使排隊，但都坐滿九成客，看來呢間店都薄有名氣。

店員話豚骨湯底係呢度既招牌，那就不作他選。原來仲可以揀辣度，我要個1級的最小辣就好了。

未幾，拉麵便送上。叉燒只一片，蠻大塊，但薄薄的。如斯薄身的叉燒，總唔會韌既，而且帶有些少肥脂，可以收貨。

麵條是我喜歡的幼身麵，有咁硬要咁硬。正如C all Star的Jase話齋，我唔明點解有人會中意食腍身麵條，如果食腍身，倒不如吃米線？ Anyway, 呢個麵係硬，但口感總好像唔得爽咁，不是我最欣賞的版本，但都唔係好差既。

見門口開始有人排隊，飲埋罐可樂，快脆讓番個位出嚟，咪阻住地球轉。

餐廳資料:
拉麵凪
銅鑼灣渣甸坊48號采怡閣地下5號舖