食物：$$$1/2
環境：$$$$
服務：$$$$
半年後，終於同大家再次聚首一堂。有人係呢度既熟客，就由佢安排，寫好菜單，留左間房，齊齊享受一餐江南菜。
餸來張口最好，唔使傷腦筋。先來的鹽水蝦，味道咸鮮，肉質緊緻，幾清爽，正好用嚟打開胃口。
之後就是酸辣湯，豆腐絲、菇絲、木耳絲、筍，甚至蝦肉等等，配料夠多，辣勁對我來說係恰好既，係有胡椒既香，酸度就有點不足，如果可以酸番些少，就perfect池喇～
再來的生爆蝴蝶片，其實係將黃鱔起雙飛，以油爆方式去烹煮。勝在外微脆，內細嫩，口感唔錯，同埋無腥味。
我一向中意食片皮鴨，呢度就再多一個打卡位，係火焰片皮鴨。加左玫瑰露造出火焰效果，除左俾大家機會大家影相拍片外，吃起來就更香。
或者太耐無食呢味，呢個軟熟嬤嬤皮包裹著皮香肉嫩的鴨，配埋鴨醬同青瓜條，真係要幾吞幾件先捨得收手。
春花向熏美人魚，其實係蔥油蟶子仔。小蟶子隻隻鮮嫩肥美，簡單以蔥油去僻腥，仲可以食到得個鮮香味，很喜歡，係全晚最出色的一味。
點都要有個菜
(或者瓜啦！)，瑤柱冬瓜球，夠腍夠入味，有瑤柱既香。師傅仲加入左豆卜，吸晒所有精華，肯定好食。
甜品前，當然會有小籠包。皮薄而湯汁豐盈，豬肉餡細滑，本是幾好的。但總覺得有點點麻油既味道，要配些醋來吃，才變回正常。
以為甜品係豆沙鍋餅，或者酒釀丸子之類，原來卻是圓肉百合蓮子，有驚喜。味道唔會太甜，圓肉好正，蓮子鬆化，仲有百合既鮮甜，呢碗糖水，我喝得一滴不剩。
食到咁上下，總廚姚師傅出嚟同大家打招呼，好多人爭住要集郵...
有蟶子食，正呀！
回覆刪除正架
刪除春花向熏美人魚最出色。
回覆刪除