2022年5月24日 星期二

雅娘 - 或者是我要求太高吧!



食物:$$1/2
環境:$$$1/2
服務:$$$ 

認識我既朋友大概知道,我一向喜歡吃星馬菜,所以位於皇室堡的雅娘,早就存在於我的To-Eat-List之中。

相隔唔知幾多個月,終於可以過海打波,活動前就捉埋波友來食個午餐。

香港人真係餓左好耐,連一向人流麻麻的皇室堡,都變得旺場,我哋要排隊等位,十分鐘咁多啦!不過我哋係最後入座的,之後已無人排隊了。

見餐牌介紹,呢度有馬來西亞名廚坐陣,天真的我以為真的會有好水準美食,期望頓時提高,只是,希望愈大,失望也愈大。

呢度既肉骨茶,有齊星洲及馬拉版本俾你揀,既然總廚來自馬來西亞,一於要份馬來風味的。深沉色水的肉骨茶,看上去是對辦的,但喝一口湯,也不說醇不醇厚,是苦澀得令人難以接受,至少我是受不了。還幸那一字排鬆化,才未致於一文不值。

愚蠢的我,又點來了怡保芽菜雞。明明深知在香港是吃不到爽甜又肥嘟嘟的怡保芽菜,我卻心存僥倖,結果當然是中伏收場。就連雞肉也毫不嫩滑,同怡保差十萬倍,很失望。

蝦膠油條遲遲未送到,原來漏左單。再追單出來的成品,是熱辣辣的,油炸鬼脆,蝦膠亦彈牙,可是味道實在太咸。唔點汁醬還勉強可以接受,沾埋汁醬的話,必須以大啖大啖水來伴之。

同樣是漏單,要再追的珍多冰,是整餐之中既正常的了。

或者,是我對馬拉食品的要求過高吧!


餐廳資料:
雅娘
銅鑼灣告士打道311號皇室堡地庫B10-B11號舖
34677896

4 則留言: