Come In Cafe - 進入寧靜小天地

食物：$$$1/2

環境：$$$$

服務：$$$$

一條友搵食，醒起德士古道有間工廈Cafe，是個寧靜的小天地，尤其是十一點零鐘既時間，應該唔會太多人，便往那方向走去。

去到目的地，Cafe 是有，名字好像不同了，再上網睇睇，大抵是易了名/手。

既然一場來到，既來之則安之，但願呢間Come In Cafe，水準會比之前的@Home Cafe 更好。

      

探熱、搓手等指定動作做到足，可以入座。小小Cafe只能坐一半，又要相隔1.5米，生意認真難做。

雖然只是小小的店子，午餐選擇卻蠻豐盛的，我所挑的東西，有夠邪惡。

酥脆軟殼蟹，香脆多羔，已經唔係純品，加埋咸蛋黃忌廉意粉，每一口盡是咸黃蛋的香，邪惡到一個點，但同時亦好漏，我無法完成。

心郁郁想試下呢度既甜點，這個時勢我覺得隨心而行是必要的，所以點來一件檸檬撻。

吃過咁漏既意粉後，來一記醒胃既檸檬撻中和下，非常合適，若撻皮可以來得鬆脆一點，必更合心。

Flat White的質素唔錯，荃灣依家已唔多地方飲到靚咖啡了...

餐廳資料:

Come In Cafe

荃灣德士古道248號荃灣工業中心地下C號舖

91084857