食物：$$$1/2
環境：$$$$
服務：$$$$
朋友傳來訊息，話收到風銅鑼灣既昼月，最近做緊熟成刺身，問有無興趣大家出嚟食番餐，順便飲兩杯。
有得食當然有興趣，夾個日子吧！
呢度出名的Sake free flow，家陣依然做緊。$88 任飲三粒鐘，甘口的辛口的悉隨尊便，都咪話唔過癮。人未齊，先來些小食大家熱下身，邊食邊等。漬物盛合、雞皮餃子、雞泡魚干等，統統都是下酒良品，尤其推薦炸蓮藕片，香脆不油，停不了口。
見有幾款東西有半價優惠，自然不容錯失。龍魚子醬(5g) 伴吞拿魚腩蓉是其中之一，兩者以紫菜包裹著吃，奢華享受，幾十蚊就可以做到。另一款半價的，竟就是新推出的熟成刺身，深海池魚和間八，經熟成後更為爽身，簡單蘸點酸汁，醒胃可口。講開熟成，除了剛才的兩款白身魚，還有重點的大拖羅。師傅即切熟成了十八日的大拖，睇見都流口水。經過熟成的大拖羅，入口特別軟滑，油份比起一般的大拖刺身少一點，但味道較濃一些。再來就是燒蟶子，同樣是半價，爽彈而不韌的蟶子，配上蒜蓉蔥花，惹味。
三色蠔，分別加上明太子、芥末蜜糖和蒜蓉三款口味，各有特色，其實三隻都好食，難分高低，打和啦Super~接著的鵝肝和牛，店長以火槍在席前炙過，香氣四溢，自然更吸引。呢個組合，無可能唔好食囉。最後來燒鮑魚牛肉串作結，鮑魚沒有很韌，牛肉粒燒得香口，滿足。三五朋友出來聚一聚，飲兩杯，吹吹水，就開心。
餐廳資料:
昼月
銅鑼灣謝斐道535號Tower 535 3樓301號舖
94707280
沒有留言:
張貼留言