食物：$$$1/2
環境：$$$$
服務：$$$1/2
各大小食肆紛紛推出優惠自救，其中一項港人最受落的招數，就是任點任食。
家陣，就算高檔如唐人館，都要紆尊降貴，來個激筍價點心任食，輸少當贏。
然而，今次筆者介紹的不是岳少既唐人館，而係另一間高級的中餐廳，座擁維港美景的南海一號。
甫坐低，店員先奉來一大籃蝦片
(要另收費)，好鬼好食，我不斷提醒自己要忍口，留肚食點心。
有理無理劃一大堆點心，蟹肉菜苗餃形狀幾靚，隱約透出餡料，唯感覺是油了一點。雖然是足料，味道卻是偏淡口。
總覺得要有蝦餃燒賣才像是飲茶，既然任食，兩款也要了。燒賣飽滿企身，正常發揮。蝦餃是大大粒且全是蝦肉的做法，味道唔差，但不是我想要的版本。
蘿蔔糕煎得夠香口，重點在於辣椒醬，邊隻牌子應該不用多介紹，令整碟糕生色不少。
豉油皇炒腸粉又係既唔香，亦略為淡口，我這重口味之人還是鍾愛XO醬來煎或炒。
反而，這兒的鳳爪做得不錯，入味且汁醬不致太糊口，鳳爪唔怕溶溶爛爛，我個人清了大半碟。
我明白不應在粵菜館子食小籠包，但既然是任吃，才來一籠。賣相其實已比預期中好，但仍是皮厚又韌，是我的錯！
輪到幾款小菜，始終是任食，仲要叫小份，也很難太講究賣相。生炒骨鬆化，酸甜平衡得宜，我是不會放過配角的青椒與菠蘿的。蝦仁炒蛋卻是敗筆，蝦肉雖爽，但沒鮮味，蛋炒得太過火。
石榴加上話梅粉，原來係咁夾，我又學到嘢了。
欖菜肉碎蛋白炒飯就看出師傅的功架了！米飯粒粒分明，炒得香口乾身，個人從來喜歡欖菜的咸香，蠻好吃的。
接下來就是甜點，國福樓的名物豆沙蘋葉角，同系的這裡又如何？唔差既，但及不上國福樓及福臨門喇。
馬拉糕鬆軟可口，薑汁菊花糕清新又真夠薑，甜胃滿足了。
店員忽然奉上一碟糕點，原來經Openrice訂枱便會贈送。椰汁味幾重，頂頭少少點綴，都可以的。
雖然我對『任點任食』四隻字沒有好感，但非常時期，也是無辦法之下既辦法啦~
餐廳資料:
南海一號
任點任食點心，從前是這兒閒日吸客的做法，想不到香港也要用上這招，唉！
回覆刪除好多食肆都在做了...
刪除梅粉石榴正啊！
回覆刪除係
刪除