2+2 Cafe & bar - 新氣象

食物：$$$1/2
環境：$$$$
服務：$$$1/2 

半年前，我在帝都酒店一樓的Yama大擦日本料理，刺身漬物揚物鍋物乜乜乜，飽到反艇。

半年後，原址已變成了2 + 2 Cafe，主打西餐，同樣的是，我在這裡飽到反肚而歸。

廢話唔多講，單刀直入介紹食物，有理無理先整個海鮮拼盤，波士頓龍蝦肉唔怕嚡得像趙擦字膠，龍蝦鉗當然最為鮮甜。虎蝦來得大隻也爽口，帶子唧些少檸檬汁去引出鮮味，會更好吃。另外還有港人至愛的生蠔。

湯品朋友揀左火焰龍蝦干邑濃湯，是會在席前點火的表演項目，而我就簡簡單單來碗磨菇湯，用杯子盛著，賣相有幾分似Cappuccino，菌香味濃郁，仲有松露鋪面。

既然有食肉獸在陣，主力來客斧頭扒也不為過吧！

是澳洲M5的和牛，1200克份量自會令大家滿足，切肉中心那嫩紅的色水，清楚告知火候是來得恰到好處。肉質唔韌，仲帶點肥，啖啖肉，榿會不滿足。

另一款的蒜香有機玉米雞，也沒有給比下去。據店員介紹，是採用81天的有機玉米雞，我無考究佢日數是否無誤，總之雞肉就是嫩滑，雞皮微微的脆口，我甚至認為是全晚最佳的出品。

甜品的布朗尼，唔需要多介紹，濃郁結合雪糕的冰火效果，愛甜的人自會欣賞。

反而提拉米蘇就要說兩句，因為除左底部是傳統口味，濕潤可口的Tiramisu之外，頂頭的幾粒波波，係以同樣的材料，不過再經冷凍去增強其硬度，令到一道甜品，有兩種口感。有趣有趣！

餐廳資料:
2+2 Cafe & bar
沙田白鶴汀街8號帝都酒店1樓
26943886