龜井鮨 - 隨心遇上

食物：$$$1/2
環境：$$$$
服務：$$$1/2 

係世貿兜左個圈，係時候搵地方醫肚。

沒有預先鎖定目標，點指兵兵點中了這家日本餐廳，據聞是日本的百年老店，有日本師傅坐陣。

點解我會知? 因為岩岩睇左嗰集偏食細路鬥大廚，哈哈~

儘管餐牌有天婦羅和其他飯類既選擇，不過天時暑熱，總是想吃些壽司，所以就要左個壽司盛合。

壽司盛合還跟上了味噌湯和沙律，前者沒有死咸或搶喉，沙律菜新鮮，有蟹棒在內，仲加左日本黑醋，醒胃而不過酸，倒是可以。

十貫尋司有齊白身魚、赤身魚、大蝦、海膽，甚至蠔，然而水準稱不上頂級，尤其是蝦，比較韌。

其中的帆立貝與及海膽比較合我心，特別係海膽，用上日本貨，鮮甜。

試了少許鰻魚重，浦燒汁味道於我而言是吸引的。鰻魚雖不是很厚身，但口感仍不俗，沒有細骨。百五蚊有找的出品，無投訴

隨遇而安，平常心其實都可以好快樂，至少我今次都唔算中伏丫~

餐廳資料:
龜井鮨
銅鑼灣告士打道280號世界貿易中心L3層L306號舖
91655014