食物：$$$1/2
環境：$$$$
服務：$$$$
如果你是老饕，又夠膽周圍去食，呢段時間可能會選擇困難症發作，事關十間有十間酒店/食肆都做緊百年難得一遇的大優惠，愈高級愈著數。
W酒店的星宴，做緊過一星期快閃既優惠，鮑魚盛宴的六道菜套餐，又係抵到無朋友。
套餐頭盤是燒味拼盤，叉燒看上去是偏瘦，吃起來口感很爽彈，蜜汁沒有過多過甜。燒腩仔皮脆肉香，就是芥末也像西餐般『畫花』，可見師傅的一絲不苟。最後則是爽脆的海蜇，話時話已好多年沒吃過這東西。
湯品二選一，要齊兩款，與好友分甘同味。松茸花膠燉響螺，湯頭清甜又夠熱，大大件厚身的花膠，絕對是女士恩物。另一款係鮑魚四寶羹，足料又濃香，不比花膠湯遜色。
主角的鮑魚終於登場，雖是鮮鮑，但個子是超級巨大。鮑魚咁大隻仍扣得腍身又入味，不錯。吃這東西當然是要拿起刀叉吧！
再來又係可以揀，你會喜歡和牛盒或是金腿蛋白蒸星斑球?
筆者毫無疑問是要和牛了。以大饅頭盛著和牛粒，墊底有些洋蔥等配料，佐以幾條幼身的露筍作點綴，賣相好得意。和牛粒鬆化不在話下，底下的洋蔥及野菌索盡味道，也是精點。最後以汁醬沾埋個脆饅頭吃，好飽卻又好滿足。
沒試老友的星斑，但聽他讚不絕口，勁話好滑，相信都係好東西。
還好，單尾的荷葉飯是迷你版本，否則我肯定完成不了。米飯勁香又唔怕濕立立，巨大既蝦與迷你荷葉飯形成強烈對比，好~
甜點是香濃的蛋白杏仁茶，以及香甜鬆脆的士多啤梨脆奶，我飽到上心口了。
中午都有個點心套餐做緊快閃優惠，詳情自己上去睇啦！
餐廳資料:
星宴
鮑魚、和牛、星斑，超正喎！可唔可以外賣過黎呀，唔該吖，哈哈！
回覆刪除哈哈哈~
刪除鮑魚真心不錯！
回覆刪除同意呀
刪除