雲海日本料理 - 忽然想吃

食物：$$$1/2

環境：$$$$

服務：$$$$

忽然想食好啲，臨時臨急，可以有乜選擇?

致電Hiyama，得到的回覆是已經滿座；Cafe Parlour只有戶外位置，Nobu已不再做午市，Gaddi's直頭休業至五月。也是的，餐廳最多只可坐一半，又要相隔1.5米，真係有生意就做唔到。

結果，我們去了雲海吃日本料理。

       

分別點選了鐵板燒午市套餐，以及精選刺身飯盒套餐。漬物夠酸夠醒胃，刺身頭盤不過不失，沙律份量蠻大，清新怡人。

鐵板燒的牛肉是用上美國牛，當然你大可加錢轉澳洲M9和牛，甚至再高級的近江牛。不過，還是吃最基本的美牛便好，要薄燒。

薄薄的牛肉捲起，包裹著洋蔥，入口鬆化是理所當然，可是總覺得肉味欠奉，美國牛肉應該可濃味一些。夾片炸蒜同吃，會好一點。

飯炒得夠香，粒粒分明，師傅的基本功始終有番咁上下。

當然還會跟上清爽的炒野菜，來清清味蕾。

刺身飯盒的賣相別緻，中拖羅、鲷魚、三文魚、帆立貝、油甘、海膽、甜蝦及瀨尿蝦等狠狠蓋過了米飯，感覺豐盛。各式刺身大致新鮮，瀨尿蝦爽口，最吸引是三文魚籽的爆汁口感，海膽鮮味反而沒預期中突出，但整體而言，合格以上，至少我收貨了！

套餐沒跟咖啡或雪糕，那就不再額外柯打了，在別處吃甜品也可啦~

而家出街食飯，梗係又有優惠喇。

餐廳資料:
雲海日本料理
尖沙咀彌敦道20號香港喜來登酒店3樓
23691111