FUMI - 放輕鬆，三小時

食物：$$$1/2

環境：$$$$

服務：$$$$

許多時候，大家週末的活動，不外乎睡到自然醒，然而歎個Sunday Brunch，悠然地波過。

以往吃Weekend Brunch，多半是上酒店，但今次轉轉口味，走到去蘭桂芳的日本餐廳 – Fumi。

皆因Fumi六月起推出新玩法，半自助餐形式，在香港地應該會受歡迎。

的確，我來光顧的這個星期天，全院滿座。

      

前菜及沙律吧最好為大家打開胃口，當然日本餐廳有其風格，有別於一般的羅馬生菜等沙律菜，提供的包括枝豆、薯仔沙律，以及蟹籽沙律等。

蟹腳固然是大眾喜愛的項目，兩大盤像花卉般插起，一枝一枝的拔出來吃，很是吸引，還好呢度既食客都是有質素的，不會胡亂去搶，加上店方refill得快，保持新鮮蟹腳源源不絕地供應，要讚。

來到日本餐廳，無理由唔食刺身吧！除了厚身肥美的帶子，鮮美的甜蝦，厚切三文魚及魚腩等，仲有即宰既油甘魚，肯定新鮮。

頗欣賞這兒的串燒，栗米香甜，雞肉嫩滑，最精彩的要數到燒豬腩肉，新鮮熱辣的燒起，昋噴噴，脂香四溢。

淺嚐了點炸物，如炸雞粒，以及各式各樣的天婦羅。

除了在自助餐枱上的食物外，亦有幾款pass around的，包括燒大蝦，同埋每人一隻的鮑魚。廚子已細心的為食客開了邊，吃起來更方便。加之鮑魚本身軟腍入味，我認為比大蝦要好。

每人還可點選一款主菜，三條友挑了兩份牛，一客銀鱈魚，大家分享。牛肉分別是安格斯蒜片牛柳粒，及A4宮崎和牛烏冬。大大片的和牛，趁未浸得太熟時要趕緊吃，嫩滑帶嫩紅，比燒的更吸引。

銀鱈魚不是我鍾情的西京燒做法，取而代之係味噌燒。是稍重味的出品，但鱈魚的嫩滑，仍然吸引。

大家也可自己動手，弄章魚小丸子。當然會有師傅從旁指導，保証你自己搞出來的亦可放得入口。玩完整完後，更有張Cert頒俾你，主意蠻不錯的。

甜品並不是在外面自取，而係一個拼盤咁上。既有蛋糕，又有紅肉火龍果和哈密瓜，亦不乏Milktop的雪糕，飽足！

三小時的任飲任食，大家邊吃邊聊，談到今時今日的香港，連從來不關心政治的朋友也忍不住要站出來。

但願大家，不是只懂飲飲食食的酒肉朋友，還是會真切關心香港...

餐廳資料:

FUMI

中環德己立街30-32號加州大廈6樓

23283302