Cafe on the Park - 夏威夷呢！

食物：$$$1/2

環境：$$$$

服務：$$$$

是的，我又食自助餐，今次到訪皇家太平洋酒店，皆因佢有活龍蝦。

查實，活龍蝦只是其中一個賣點，這期的主題，係夏威夷盛夏派對，屬比較冷門的項目，好奇心驅使我去會下佢。

到底夏威夷會有啥美食？出去走一回睇睇~

    

已不是首次介紹這酒店的自助餐，什麼凍海鮮、蔬菜沙律及Cold Cut等，就不用長氣再講，直接寫下今期的主題美食。

炎炎夏日，要有些開胃的東西才行，三文魚蕃茄沙律及黃鰭吞拿魚沙律，簡單醃漬調味，黃鰭吞拿則混入牛油果來伴之，輕怡可口，消暑之選。

或許天氣實在太熱，呢排突然好想食壽司，基本的三文魚、蝦及希靈魚等都不缺，還有充滿夏威夷色彩的午餐肉壽司，我肯肯定要將之消滅。

熱食之中，慢烤卡魯雅乳豬是最具代表性的夏威夷傳統美食，皮脆肉嫩有汁，蠻好吃。香煎鴨肝這邪惡之物，我怎可以放過？加入了粟米蓉及柑橘汁，多一份地方色彩。以荷葉包裹著的芋頭蒸雞，也是我推介的好東西。

要有米飯到肚的朋友，其實也有選擇。焗鱈場蟹蓋伴蟹肉芝士意大利飯，口感軟綿，乃鮮味之選。另外的海鮮燴飯，用上是幼身的米，蠻特別，配上各式海鮮如蜆肉、帶子和青口等，值得一試。

重頭戲始終是活龍蝦，來來去去只得幾間酒店會有即煮活龍蝦供應，這裡加入行列，我當然無任歡迎。鮮活龍蝦，一定美味得多。這兒以烤的形式，配埋菠蘿及木瓜莎莎，肉質鮮嫩彈牙，又帶出夏威夷風味。

叮叮叮叮，表演項目出場，係Baked Alaska。蛋白霜之下，乃三色 (士多啤梨、椰子及朱古力）的Movenpick雪糕，結合濃濃的酒香，作為結尾的甜點，實屬合宜。

再淺嚐些菠蘿夏威夷果仁撻，椰子布甸等，萬二分滿足。

今個暑假，一家大細來吃餐豐富自助餐，絕對係尚佳的親子活動。

餐廳資料:

Cafe on the Park

尖沙咀廣東道33號中港城皇家太平洋酒店園景翼2樓

27382322