食物：$$$1/2
環境：$$$$
服務：$$$$
雖然個個禮拜食自助餐，但來來去去嗰幾間，Add@Prince是相對較少惠顧的一家。
Marco
Polo你唔係經常去咩？有人問。
係，不過十居其九是到訪Three
on Canton，印象中add@Prince，只是第二次。
今次到來，皆因酒店正以蠔及刺身作主題，生蠔、焗蠔、炸蠔、泰式煎蠔餅、蠔豉炒飯，乜乜乜，好難抗拒。
即開生蠔有三款，分別為澳洲、紐西蘭，以及南非產地，現在正值澳紐冬季，生蠔最合時宜。南非的佳麗，水準其實很高，比起澳紐的生蠔，有過之而無不及。其他的凍海鮮，大概以開邊的波士頓龍蝦最為搶手，肉質沒韌等似吃香口膠。
除了生蠔，還有兩款西式焗蠔，芝士莧菜焗蠔比較Creamy，個人會更欣賞香口的煙肉洋蔥焗蠔。要讚佢refill很頻繁，時常有新鮮熱辣的焗蠔供應。
喜歡香口嘢既筆者，自會對中式的黃金炸蠔感興趣。色澤金黃，咬落香脆熱辣，蠔肉沒有乾巴巴和縮水，吃了兩隻才收手。
刺身是受歡迎的項目，長時期需要排隊等食。三文與吞拿是厚切，其餘的各款，如甜蝦等，大致新鮮。
中西熱蓮亦不見蠔既蹤影，鮮蠔海鮮意粉，蠔肉之餘，又蝦又小龍蝦又蜆等，材料豐富，意粉是加入墨汁的黑色麵條。炒飯勝在蠔豉的口感與味道。
泰式食品，一向是這兒的拿手好戲。冬蔭公酸辣俱備，貫徹以往水準。豬頸肉彈牙，人人讚好。各款泰式沙律，辣勁非凡，愈吃愈滋味。為了蠔既主題，今趟亦加入了泰式煎蠔餅，惹味非常，美味。
原本已飽得八八九九，但牛魔朋友讚到燒牛肉天上有地下無，更指要encore，於是我又冒住爆肚的風險，請師傅切一片薄薄的給我。看其嫩紅的顏色，深知道錯不了。果然軟腍可口，輕輕醮些少黑椒汁來伴之，精彩。
由於太飽，印度的食品，只可淺嚐。
甜品除左濃郁的朱古力蛋糕外，更大膽地加插了榴槤蛋糕及榴槤卷等，好彩吃甜是另一個胃。
十一款Movenpick雪糕，有誰不愛？再唔係，仲有阿波羅既香芋及榴槤雪糕，任君選擇。
最後，還要感謝大家給我的生日驚喜！
餐廳資料:
add@prince
榴槤雪糕正斗！
回覆刪除正!
刪除