殿 大喜屋 - 抵到無朋友

食物：$$$1/2

環境：$$$$

服務：$$$

自助餐經常食，幾乎個個禮拜走訪不同酒店品嚐不同主題的buffet，但日式放題嘛，卻是少之有少，對上一次食放題，大概已是三幾年前既事。

可能是早年被那些劣質放題嚇怕了，不是錯單漏單，就是食物像豬哨，填肚級數也不如。

然而，餐飲行業是會有進步的，據聞今時今日有些放題，質素唔錯，連身邊出名咀勾的朋友都讚。

殿大喜屋，據知是該集團中最優質的一間放題店，朋友叫到，不妨去見識下。

    

原來除了劃紙仔外 (呢度其實有WeChat落單)，仲可以出去buffet枱攞嘢食，眼見各式沙律菜幾新鮮，竟仲有魚蛋、冬菇等食物，我只能怪自己孤陋寡聞。

海膽手卷竟然是任攞，而且並不是劣質貨，味道鮮甜，沒半點腥味，紫菜脆口，完全是我意料之外的驚喜。

每樣刺身來一些，結果便集成了刺身拼盤，吞拿、三文魚、北寄貝、甜蝦及蟹腳等，單是影相呃Like都足夠。

我真係唔知道，原來放題店是有中式食品的。點來了酸菜魚，雖不是正宗四川出品，酸辣味道其實不差。更始料不及的，是有花膠鮑魚，而且花膠幾大件，好容易回本。

串燒選擇也頗多，牛舌、秋葵、海蝦等全不缺。另外，鐵板燒牛肉亦比想像中出色，同埋仲有燒鰻魚食。

燒羊架，香噴噴，火侯控制算係咁，每人一件好過癮。

但論最吸引的，我覺得係芝麻雞翼，端上來時仍可感受到是熱呼呼的，加上迷人的色澤，連正在減肥的好友也要破戒。

甜品又有馬卡龍又有泡芙等，甚至中式糖水亦有供應，大開眼界。

雪糕竟然有齊Movenpick、Milktop及哈根大師，另仲有雪米糍，教我如何忍口呢？

三百蚊左右既價錢，真係計到數？

餐廳資料:
殿 大喜屋
尖沙咀金巴利道26號1樓
36223000