Fresh & Green - 健康午餐

食物：$$$1/2

環境：$$$$

服務：$$$$

每次與這位朋友食飯，都是我諗地方，確有點頭痛，皆因我真唔知火炭仲有咩好食。

上Openrice找到了一間工廈餐廳，Fresh & Green，印象中數年前跟舊同事來吃過，但質素如何已記不清楚，番去睇竟然也找不到自己寫過有關此店的文章，難道是我記錯？

   

店子以湖水藍和綠色為主調，放了幾個自家種植的水耕菜箱，以及些擺設，突顯個人品味。

既然這裡主打水耕菜，那麼吃沙律應該最籠穩陣。然而，無肉不歡的我單食沙律等於攞我命，一於要個牛扒拼沙律。看見牛扒的嫩紅色水，已知唔會差得去邊，簡單以黑胡椒調味已可。配以大量的沙律菜蔬以及如火龍果等的水果，感覺十分健康。

另一份係黑松露夥菌意大利飯，端上桌時香氣是足夠的，米飯帶點黏口，味道尚可，只嫌欠缺像米骨的質感，中規中矩而已。

加錢可有甜品，但中午不用吃太飽，以免飯氣攻心。直接來杯咖啡，香濃提神，我充滿力量啦啦啦...

呢間，可以翻兜，唯獨是遠左少少～

餐廳資料:
Fresh & Green
火炭山尾街43-47號環球工業中心西翼2樓203室
35636036