食物：$$$1/2
環境：$$$$
服務：$$$$
香港是美食天堂，但供應澳門菜的地方卻少之有少，或者兩地實在太近，許多人寧可搭一個鐘船過大海吃。
去年，終於有人打破悶局，在元朗新商場形點開設了以澳門菜為主打的餐廳亞蘇爾，生意好到不得了，最近係沙田開埋分店。
現時，時代廣場又再多一間，叫小島.
澳門菜，原來又是跟亞蘇爾份屬同一集團。
先整份白酒煮海蜆，邊食邊等遲來的朋友。蜆肉鮮嫩，白酒汁清新，滿載怡人氣息的開始。
要了客葡式烤乳豬，皮是脆得會發出『咔嚓』聲響，肉嫩滑而沒過咸，要嫌稍肥了些少，否則會幾完美。伴碟之薯角，以及燒菠蘿，會令人吃不停口，絕不是配角。
大家均是重口味的食肉獸，再來的，都是肉類。咖喱羊架煲，可配上白飯或薄餅，我們選了吃飯。咖喱汁有一定辣度，送飯至岩，吃不了辣的朋友要小心。咖喱內的薯仔，從來不比主角遜色，粉嫩可口。至於羊架，烤得香口，還有適度的羶香。
我哋仲食埋非洲雞，可幸分到雞髀位，肉質自然嫩滑，比雞胸好得多了。這道菜，靈魂在於醬汁，要夠辣夠惹味。可能是迎合怕辣的朋友，醬汁是分開上，若撈埋一齊，等佢入晒味，仲正。
甜品頗有驚喜，暖心薯仔甜餅，十分軟熟，估佢唔到咁美味。
另一款的果香軟心多士，跟上一大球雪糕，冷熱交融的效果向來無得輸。再自行淋上適量果醬，幾好。
以後，無左個藉口過大海？
餐廳資料:
小島. 澳門菜
我家主子食咖哩都係為咗啲薯仔咋。
回覆刪除我一路以為暖心薯仔甜餅係甘荀蛋糕！
回覆刪除暖心薯仔甜餅同果香軟心多士都好吸引wor～
回覆刪除有水準
刪除