十里洋場 - 雅致

食物：$$$$

環境：$$$$

服務：$$$$

好友芬尼最中意食辣，一於借花敬佛，將師傅炒俾我既XO醬轉贈給他。

要找個地方食飯兼交收，一排無見，要搵個雅致的地方方便傾計。醒起了一間我想去已久的餐廳，十里洋場，我知道對方是沒所謂的。

若你了解這集團的背景，就會知道，這兒的設計與及燈光，必定是一流水準，無庸置疑。

    

甫坐低，忽然傳來美妙的歌聲，原來逢星期一、三均會有Live Band表演。我們被安排坐較遠的位於，既可聽歌，又不怕太嘈吵，真好！

點菜由我話事，以半隻十里香蔥雞打頭陣。端上來時芬尼已大讚很香。的確，雞肉嫩滑，調味到家，最緊要夾埋乾蔥一起吃，不錯。

要個新派點心試試，鐵板灌湯小籠包。沙沙聲響告之我熱度十足。煎左個底，唔會有穿既問題。皮不太厚，底微脆，加上豐盈的湯汁，無咩投訴。

黑蒜牛肋骨，對於食肉獸既我而言，肯家吸引。牛肋骨非常之鬆化，近骨位那筋膜尤其精彩，吃著吃著，還滲出陣陣黑蒜的香氣，忍不住夾完一件再一件。

沒點菜，要份濃雞汁蘿蔔取代之。蘿蔔極之軟腍，近乎入口溶化，清甜無渣，加上濃雞湯的味道，滋味無窮。

食埋可愛的小白兔椰汁糕，時間約晚上九點半，芬尼說呢個時間，唔知珍煮丹仲要唔要排好耐呢？！

即管行過去睇下情況......

結果，那條人龍，嚇怕了我們。

餐廳資料:
十里洋場
銅鑼灣恩平道28號利園二期101號舖
23385500