新店速遞：Fast Gourmet - 歎慢版

食物：$$$1/2

環境：$$$$

服務：$$$$

喝咖啡，早已成為香港人生活的一部份，不單止是中產，就是初出茅廬的年青人，甚至是學生哥，都會蒲下星巴克。

其他人我唔知，於筆者而言，飲咖啡可能已經成癮，即使不用工作的日子，不喝一杯感覺總不舒服。

花十來分鐘歎杯啡，大概是我減壓或忘掉生活不順的最佳方法，正如有些人會選擇飲酒。

     

週末與濶太吃過壽喜燒，便移步來到附近的咖啡店，歎一杯，濶太說這店是新開的。

店子英文名字叫Fast Gourmet，中文就是享慢煮意，有意思！

雖然淨飲唔使雙計，不過呢度既牛角酥看似幾吸引，大家均有點興趣，來一件開心些牙。

其中兩款新店限定的口味，都好有趣。但泰式冬蔭公牛角酥，對我兩老餅來說，似乎太新潮。都係保險一點試個黑熔岩芝麻牛角酥，若然好吃，下次才試Tom-Yum-Goong。

包身又幾鬆脆，切開時，黑芝麻湧出，甚為澎湃，而且味道濃郁，同埋個醬涼涼地的，有點兒像吃甜品咁，水準是比預期中好。

我喝的一杯咖啡，叫富士山下，＂誰能憑愛意要富士山私有＂...

賣相並不討好，希望佢是有內涵了吧！呷一口，冰涼中帶滲出果香，可說一句：啡不可以貌相。

濶太的那杯，係Tiramisu Cheesy，比富士山下濃郁得多，適合重口味既朋友。

趁雨勢減弱，趕快離開。

餐廳資料:
Fast Gourmet
中環善慶街9號地舖
27256000