食物：$$$$
環境：$$$$
服務：$$$$
筆者份人最懶，又麻煩。如果有朋友仔揀好晒用餐地點
(最好我未食過的餐廳啦！)，諗定菜單，我可以飯來張口就最正。
是晚正是飯來張口的日子。來的這家日本餐廳，割烹櫓杏，我仲以為係新的，原來都開了一年，我的資訊真是愈來愈落伍，應該好快被社會淘汰。
位處I
Square 28樓，未上過去都知道景觀如何壯麗，可惜當晚掛著三號風球，夜雨連綿。
餐廳主打熊本料理，我們就以熊本阿蘇產的沙律作開端，菜蔬新鮮是理所當然，據聞更是聽著莫札特音樂成長，太巴閉。我以為自己貓狗不如，現在發現原來連條菜都不如。
新鮮的刺身盛合，總會令人開心。八款刺身，白身魚中最喜歡爽身的平政，入口溶化的拖羅自然合心水，還有這店獨家供應的南國三文魚，確實比起坊間的出品更勝一籌。
總廚曾在新加坡工作，所以餐廳有些菜色亦注入了星洲元素，包括這味
『肉骨茶』。湯頭與獅城喝到的有幾分相似，日本豚肉當然更加精彩，呢味肉骨茶，有意思。
有時在外面吃到的吉列牛，甩皮甩骨，睇見都唔想食。這兒的出品，皮肉緊緊相扣，外脆肉質軟滑，即使不沾任何汁醬，已經好好味。
Shabu
Shabu或者Sukiyaki吃得多，以蒸的方法來處理和牛及蔬菜，有少許似早排中菜流行到極的海鮮鍋，最能保持原汁原味，而且更健康。
用上最靚既熊本黑毛和牛，單是雪花都知係極品，蒸的方法，熟一點都唔怕韌，
欲罷不能。下層的各式菜蔬，吸入牛肉汁的精華，清甜可口。
一文字長蔥卷，重點在於汁醬之上。辛子蓮藕，爽脆非常，還有陣陣像芥末的味道，愈食愈過癮，差點對著對面的朋友打乞嚏！
不是獨沽一味蒸和牛，另一就是做壽司，以火槍射呀射射它吧，和牛調味好，灸過也夠香，美味。
臨尾先整個湯，以為喝不下，但三瀨雞湯的清甜，令我不其然飲了很多。
酸酸辣辣的高菜飯團，太過醒胃，頓時忘記了飯團的飽肚感。
日本產的時令水果，唔清甜多汁才怪。有朋友唔食生果，那我就老實不客氣，食埋佢個份。
餐廳資料:
割烹櫓杏
下次返黎都要去下isquare揾食先。
回覆刪除一齊
刪除肉骨茶好鬼正！
回覆刪除和牛仲正!
刪除