@Home Cafe - 無人地帶內

食物：$$$

環境：$$$$

服務：$$$1/2

百物騰貴，家陣去連鎖快餐店/茶餐廳，吃份早餐，閒閒地三十幾個大洋落樓。

到兜巴星或者大西洋咖啡，買杯拿鐵，三十幾蚊走唔甩。

近期發現有些工廈Cafe，中午/晚市並不便宜，不過早餐加杯Latte，四十蚊左右有交易，划算得多。荃灣的＠Home Cafe，是其中之一。

   

以工廈Cafe來說，地方算不上大，但氣氛輕鬆，尤其我在非繁忙時間到訪，可獨自歎杯啡，聽聽音樂，無人打擾，多好！

揀左份早餐，內容係牛油多士、炒蛋、什菌，以及紐倫堡腸，再要杯鮮奶咖啡。

多士正常發揮，沒有跑馬地昌記那種驚為天人的感覺。炒什菌下了不少黑椒調味，紐倫堡腸反而偏淡口，炒蛋是敗筆，有欠鬆軟嫩滑。

鮮奶咖啡，有拉花，卻不賞心悅目，水準最多只屬不過不失。

當你去兜巴星單買杯拿鐵都三十幾既時候，呢個價錢，你又真係唔要求得咁多。

餐廳資料:
@Home Cafe
荃灣德士古道248號荃灣工業中心248號地舖
68080805