六兩三 - 又來台灣風

食物：$$$1/2

環境：$$$$

服務：$$$$

這天，要到亞士厘道開會，我一如以往的早到，在附近逛了一圈，發現了間台式牛肉麵店，門面幾有特色，吸引我眼球，叫做六兩三。

對此店頗有興趣，也懶去上網睇風評，決定會議後，吃碗牛肉麵才打道回府。

未夠十一點半，會議便結束，到底店家開始營業未呢？

   

推門進去，店員一句歡迎光臨，應該已開了。咁早既時間，我不奇怪會是全場唯一的客人。

點了碗三寶牛肉麵，所謂三寶，即牛筋、牛展，以及牛肋條。七十六蚊碗牛肉麵，真係貴，不過無計，人哋都要交租的。

循例先呷口湯，湯頭比預期中淡口，或許是我自己太重口味了吧～至於麵條，我又覺得有點偏腍，反正就與我的口味差一點點。

三寶之中，個人最喜歡牛肋條，看似好大舊好硬，但入口卻鬆化，牛展都幾鬆軟，牛筋是已煮腍的質感，不失 『膠感』。總括而言，牛肉是不俗的，至少合我心水。

叫左罐蘋果西打，不知多少年未飲過呢款嘢。

又台式牛肉麵店，又珍珠奶茶舖，好多都人氣爆燈，想不到台灣風會再次吹來香港。

餐廳資料:
六兩三
尖沙咀宜昌街3號地下
34622140