點心工匠 - 貪近

食物：$$$

環境：$$$1/2

服務：$$$$

小時候，好憎飲茶，千方百計逃避去酒樓。年紀大了，卻愈來愈中意食點心，即使不上酒樓或酒店中菜廳，點心專門店都照殺。

某日走過華都一帶既商場，發現有間新的點心專門店，不過當時已臨近打烊，我只好將其名字默默記下來，搵機會再試。

週六晚，去完Mass，便同老母近近地走來食點心。

   

老母要個套餐，蟲草花雲耳蒸雞飯，有湯送，仲有幾款揀。佢要左鯊魚骨湯，端上桌時香噴噴，看湯色應該幾濃，老媽子評價屬正面。

蒸雞是滑，當然不求是什麼新鮮雞，至少入味。有埋蟲草花及雲耳作點綴，很好下飯，看老媽子三兩下手勢已經吃清整碗飯。

我就選了兩籠點心，其一是久違了的雞扎。將照片放上群組，呃到唔少回應，有人說只喜歡吃那片腐竹，有人淨係Like魚肚，又有谷友最想食裡面舊芋頭，好像沒有人表示要吃滑雞，哈哈！我兒時其實最愛吃那條粗粗的火腿。不過，今次的雞扎，以冬菇條取代了火腿，腐皮偏韌，還幸芋頭仍然粉嫩。

燒賣一籠四粒，漲卜卜夠飽滿，可是調味太輕手，味道偏淡口。

無記錯的話，食滿$50，送汽水一罐，可樂丫唔該！

食點心，點可以無可口可樂呀？！