Cafe 8 Degrees - 傾斜嚐鮮再掃甜

食物：$$$1/2
環境：$$$1/2
服務：$$$1/2

朋友們再次相約去土瓜灣的8度海逸酒店食自助餐，這裡的地點咁隔涉，我都猶豫一陣，但想了呢度既芒果拿破崙等各式甜品，結果都係抵唔住誘惑。

是的，這自助餐的朋友，真係好有水準，若你喜歡甜的，專程為甜品而來也不為過。

當然，酒店唔會就咁食老本，定期也推出新主題，今期係「尋鮮滋旅」，不難猜，正是以海鮮為主題。
 

遲了來到，影唔到靚相不在話下，搶手貨凍海鮮也被人奪去大半，好彩仍攞到些青口與蟹腳，得到安慰獎。

生蠔是即開，法國與美國佳麗，各展美態，但這趟美國代表較得我歡心。

專為尋鮮主題而設既籠仔蒸海鮮，及以昆布湯底為主打的海鮮涮涮鍋，以最簡單的兩種手法將大蝦、蜆、青口、魷魚等的鮮味，原汁原味呈獻俾大家。在座有人喜歡湯鍋，而我則偏好籠仔蒸，各有所愛。

回頭再吃些Cold Cut與煙三文魚，仲有芝士，我食自助餐總不能少呢幾個嘢，解釋不了。

作為食肉獸，熱葷都係主攻肉類，還記得上次試過羊架很不錯，今次亦沒有失手，肉嫩可口，豬肋骨也合格。其次是印度咖喱，因有印藉廚師坐陣，因此各式咖喱，水準總有點保証。

仲有邪惡的煎鵝肝，你能忍手嗎？

看見朋友拿回來的燒牛肉是偏紅色，合晒我既心水，茹毛飲血最岩我，即時出去拿一件回來，其實生熟程度是剛好。Ummm…唔爭在再攞多件燒肉啦~

好了，要留肚給甜品。即製的鮮果班戟，熱暖軟熟，可口。記憶中上次有爆谷，仲幾好味添，但這次卻失蹤了。

唔理了，要進攻一流水準的芒果拿破崙，實在百吃不厭。朱古力香蕉蛋糕，濃郁又有層次；日本蜜桃蛋白卷，輕怡可口，同樣精彩。甜品一欄，的確是這個自助餐的皇牌項目。

講到尾，食自助餐都係大家柴娃娃傾下講下食下先開心。

餐廳資料:

8度餐廳

土瓜灣九龍城道199號8度海逸酒店地下

2126 1960