帝京軒 - 往昔滋味在心頭

食物：$$$1/2

環境：$$$$

服務：$$$1/2

一唔係就突然有應酬飯局，一唔係就生病，總之每次約去帝京晚飯，總是阻滯多多，與酒店緣份薄弱。

我說過，下次的帝京聚會，本人一定要到。的確，皇天不負有心人，這晚我終於可以前來，與大家盡情歡渡開心星期五。

是晚，更一次過吃盡帝京軒與獅子樓的美饌，來個雙重驚喜，補回我之前的損失。

    

邊飲湯邊聊邊等遲收工的朋友，是最合適的安排。湯水以火熱著，保持溫度，湯的確是要夠熱才好喝。很足料的，又松茸又花膠又燕液咁，實在是好開始。

接下來是獅子樓既冰鎮咕嚕獅子頭，又是那乾冰效果，如霧如煙，全像遊戲。脆口像咕嚕肉的外層，內裡是鬆軟的獅子頭，十分創新，且層次豐富，甜甜酸酸的味道很是醒胃，個人非常欣賞廚師的諗頭。

再來是在Hofex得獎之菜色，鱻。唔識讀呢個字的話，就叫佢比目三弄吧！賣相像藝術品，似法國菜多於中菜的出品，令人眼前一亮。煎焗得香脆內嫩的；層次豐富的椰香胡椒茄子杯；壽司造型之照燒燕麥比目魚。各有特色。本人最中意椰香胡椒茄子杯，香噴噴又有層次感。

吃過外形似足法國菜的出品，再回來傳統造型的波士頓龍蝦。以花雕加蒜茸蒸，肉質保持爽彈，帶點點酒香，墊底的粉絲更是精華，有點傳統的味道。

花甲是堂弄，加入清酒去做火焰效果，又是影相影片呃like的妙品。然而，大概過份注重視覺效果，酒味過了頭，只怪大家掛住影影影。

蝦多士，肉爽多士鬆脆是預期之中，亮點在於醬汁，有千島醬的開胃感覺，又富有辣勁，有驚喜。

以頭抽去煎焗原本平凡的沙巴龍躉，外微脆而肉質口感好，頭抽當然佔重要角色，好吃。

嚐過多款香口菜色，一味健康的燕麥茄子海參豆腐來間一間場，是有必要的。豆腐嫩滑吸味，茄子也可口，海參也處理得好。

想不到呢度既脆皮炸子雞咁出色，雞皮脆卜卜，肉質細嫩，即使再飽都可吞下兩件。

牛肉餅吃得出是手琢的，還混入了廿五年陳皮，香得很，絕對精彩。

最後來個菜去平衝番，才再吃獅子樓的朱古力火鍋作甜點，飽到爆肚，滿足度同樣爆燈。

用上Movenpick的雪糕已是質素保証，朱古力漿原來才是重點。將雪糕球放下去，包圍雪糕的朱古力口感香濃而帶煙韌，比起脆皮好吃百倍。

稍後再睇睇獅子樓的Tea Set~

餐廳資料:

帝京軒

旺角太子道西193號帝京酒店3樓

2622 6161