海外篇：南香飯店 - 老字號雞飯

食物：$$$$

環境：$$$1/2

服務：$$$$

早前，好友介紹我吃元朗的南香雞，其食物水準還好，尤其是那咖央多，絕對值得一試。

一場來到吉隆坡，無理由唔食呢個老字號吧！所以，此店一早是本人的囊中物，就在茨廠街掃食的一天，就去會一會佢。

差不多落場時間去到（三點左右），店員在門口截住我們，說只剩下兩份雞，問我哋有問題冇。

   

沒所謂啦，反正剛剛才吃過午餐，此店是我們的第二站，淺嚐也無妨，太多反而吃不下。

兩份雞，不同部位，分別是雞胸加翼尖，以及雞髀位。不論吃那個部位，三色醬絕對唔少得，這從來是吃海南雞的靈魂所在。

由雞胸開始，啖啖肉，皮薄又有鮮味，的確比香港的海南雞高幾班。翼尖部份就留給懂得吮骨的人去對付好了。

相比之下，雞髀位就更加出色。好簡單，除了雞有雞味，雞皮薄之外，髀位的肉質自當更加嫩滑，個人更為喜歡。

飽吃兩頓，幾乎飽到郁唔到，此時的一杯冰凍柑桔水，幫助消化，來得正合時宜。

食完，人家已落閘，好在未放狗驅趕我們。哈哈！

餐廳資料:

南香飯店

56, Jalan Sultan, 5000 Kuala Lumpur