永興冰室 - 呃like武器梳乎厘

食物：$$1/2

環境：$$$1/2

服務：$$$1/2

食完港式漢堡包，意猶未盡，朋友建議去吃甜，作為甜魔既我，難以找到拒絕的理由。

並不是去甜品店糖水鋪，而是去茶記吃甜點。Pardon Me?無錯，正是去新派的茶餐廳，永興冰室。

永興呢個名字，其實也有多年歷史，只是現在重新包裝，再戰江湖。

從不知道，原來，呢度既雪山梳乎厘，係好出名的。

   

原本，我仲想食蛋撻，或者菠蘿油，可是晚上是沒有供應，那就要杯茶走算了。

梳乎厘須約二十分鐘的製作時間，合理，呷口茶走慢慢等。呢杯出品，茶味是濃，煉奶卻放得太少，欠缺應有的香甜味道，有點失望。

喝下茶走篤下電話吹下水，廿來分鐘好快就到，招牌的雪山梳乎厘送上。如此巨型浮誇的食品，視覺效果肯定出眾，是放上網呃Like既武器，連隔離枱的食客也來舉起手機影相，同埋問及價錢。

嗱嗱聲影完相，準備起動，因為以我理解，梳乎厘好快便會塌下來的。原來，呢個係不會塌掉的版本……

型態雖能保持企身，質感雖仍是輕身，但味道卻未有驚喜。蛋香不重，味也實在很淡口，是為顧及健康的人士嗎？

公開飲食網站明明好評如潮，或者，係我是晚黑仔了吧！又或者是我不懂欣賞吧！

餐廳資料:

永興冰室

太子彌敦道776-778號地舖

2988 5566