海外篇：伍秀澤海南雞飯 - 無人不曉的海南雞

食物：$$$1/2

環境：$$$

服務：$$$

呢樣又想食，嗰樣又想食，但由於行程緊湊，因此今次檳城之行，只吃了一餐海南雞飯。

捨棄了文昌茶室，來到伍秀澤。為什麼？唔知架，隨心架咋，反正兩者也是備受推崇的店子，就埋行程安排而定囉。

   

 

下午兩點半左右到埗，全場爆滿，大部份是當地人，看來確會是所好食又抵食的店子。

好不容易找到了位，可以買嘢食。其實都無咩好諗，呢度獨姑一味，直接走出去買海南雞。

一碟雙拼，即白斬雞與燒雞兩款。白斬雞之肉質是預期中的嫩滑，不過，個人認為燒雞更好，多一份香氣。

與其說我是為海南雞而來，說穿了我更迷戀雞內臟，來一碟，雞腎爽脆，雞肝粉嫩，甘香無比，懶理膽固醇如何超標。

油飯沒想像中咁潤澤可口，是我期望過高嗎？

超級便宜，是真的。一碟雙拼，一碟雞什，三個油飯，加多三杯薏米水，埋單十七個半馬幣(即三十元港紙左右)，難以置信。

餐廳資料:
伍秀澤海南雞飯
338-A Lebuh Chulia, Georgetown, Pinang