紫 Dining at Murasaki - 紫色誘惑

食物：$$$$

環境：$$$$

服務：$$$$

如無意外，四月會有兩壇大嘢搞，介時或將忙到甩肺，趁現階段還有少許空檔，一於及時行樂，吃勻想吃的餐廳食肆。

其中一間本人想拜訪已久的日本餐廳，是近期的矚目新星，紫Dining at Murasaki，終於夾到日子可以來試。

以紫為主題，定必迷倒不少女士，就連男人老狗的筆者，也覺得十分之正。

餐廳面積唔細，壽司吧鐵板燒枱乜乜乜，區域分明，不過於我而言，甜品角落當然是最吸引，教人難以抗拒。

　　

 

午餐由$180的牛舌，至近六百的鐵板燒也有供應，再唔係，選擇餐廳的Tasting Menu亦無任歡迎，豐儉由人。

不論你吃那個餐，均會跟上沙律、赤味噌湯，以及茶碗蒸。沙律的菜蔬新鮮爽脆，車厘茄清甜多汁，最欣賞是汁醬的調校，令整件事來得醒胃動人。

茶碗蒸夠熱亦很滑溜，頂頭加入了口感良佳的三文魚籽，以及蟹肉，層次感更加豐富。

主食方面，朋友吃丼飯，處於貧窮線以下既我，選了最便宜、但我又最想吃的牛舌。

加十五個大洋可配太陽蛋，何樂之不為？將蛋黃破穿，讓蛋汁滲進每粒米飯之中，從來是最佳食法。採用優質日本蛋，蛋香寧舍不同，撈飯確實一流。牛舌頗厚身，保持應有的彈牙口感，我表示非常滿意。

你沒猜錯，我又是會偷人家的吞拿魚茸丼來試。米飯是優質貨，吞拿魚茸鮮味十足，若要雞蛋裡挑骨頭的話，魚茸可以再油潤一點，定必會更精彩。

餐後一份青蘋果雪葩，由於混入了冚酒，感覺更加清新。

必會翻兜的一間餐廳，下次再來時，吃我最愛的鐵板燒好嗎？

餐廳資料:
紫 Dining at Murasaki
銅鑼灣告士打道255號信和廣場UG樓8號舖
28178383